Талапкер
Студент
Түлек
Қызметкер
Курстар
Бизнес серіктес
Сәтбаев университеті мен KAZ Minerals Қазақстанның тау-кен өндірісінің болашағын құруда
Сәтбаев университетінде KAZ Minerals тобының тау-кен өнеркәсібі саласындағы тәжірибе алмасуға арналған жыл сайынғы өндірістік алаңы – он екінші тау-кен форумы өз жұмысын бастады.
«Тау-кен өндіру процесін басқару саласындағы отандық және халықаралық тәжірибені зерттеу» форумына KAZ Minerals тобының Қазақстанның түкпір-түкпірінен келген тау-кен инженерлері, Bogr Engineering (Австралия), SRK Consulting Finland (Финляндия), MOS Consulting (Австралия) келген шетелдік сарапшылары және Сәтбаев университетінің ғалымдары мен студенттері қатысты.
Форумды Сәтбаев университетінің ректоры Мейрам Бегентаев және KAZ Minerals компаниясының техникалық директоры Йохан Барнард ашып, Қазақстандағы мыс өндірісі бойынша көшбасшы болып табылатын KAZ Minerals тобы осы көшбасшылық ұстанымына өз қызметкерлерінің игілігі арқасында қол жеткізгенін атап өтті, олардың көпшілігі – Сәтбаев университетінің түлектері болып табылады
– Тау-кен өнеркәсібі форумының мақсаттарының бірі, – деді ол, – біздің тау-кен саласының мамандарын, болашақ қызметкерлерімізді біріктіріп, оларды бір-бірімен таныстыру. Біз бірге Қазақстанның тау-кен өнеркәсібін нығайта аламыз.
Мұндай танысу алаңы ретінде Сәтбаев университетінің таңдалуы кездейсоқ емес – KAZ Minerals тобы ғылыми және академиялық ұйымдармен ынтымақтасты қарым-қатынасқа әрқашан ашық, мұнда әртүрлі хакатондар ұйымдастырылады және университет жаңа инновациялық жобаларды құптайды. Университет түлегі, KAZ Minerals бас инженері Дамир Смағұлов он екінші Тау-кен форумы студенттерге де, университет оқытушыларына да әлемдік деңгейдегі тау-кен инженерлерін тыңдауға және тікелей өндіріс қызметкерлерінен білім алуға мүмкіндік беретінін атап өтті:
– Мен осында қатысып отырғаныма өте қуаныштымын», – деді ол. – Бұл біздің туған оқу орнымыз, біз студенттерге біліміміз бен тәжірибемізді ашқымыз келеді. Адам ең маңызды білімді өндірісте игереді, ал университетке өндірістің бір бөлігі ретінде келетіні белгілі.
Жиналғандар KAZ Minerals-тың Ақтоғай кеніштеріндегі кен орындарын ашық әдіспен өндіруден жерасты өндіруге көшудің практикалық мәселелерімен қоса, өнеркәсіптің, кен байыту мен өңдеудің, жасанды интеллект пен геотехникалық инженерияның қазіргі тенденциялары мен міндеттері туралы талқылады. Форумның маңызды бөлігі университет докторанттарының презентациялары болды, олар өздерінің студенттік жұмыстарын болашақ жұмыс берушіге ұсынуға мүмкіндік алды.
