Талапкер
Студент
Түлек
Қызметкер
Курстар
Бизнес серіктес
Сәтбаев университетінде халықаралық конференция аясында машина жасау және энергетика салалары бойынша хакатон өтті
Алматы қаласындағы Сәтбаев университетінде «Satbayev International Conference 2026» халықаралық конференциясы аясында өткен хакатонға инженерлік мамандықтар бойынша білім алып жатқан студенттер мен магистранттар жиналды. Бір күн ішінде қатысушылар пәнаралық командаларға бірігіп, «Энергия, ресурстар және климатты тұрақтандыруға арналған технологиялар» тақырыбы бойынша жобалар әзірледі. Бұл жобалар заманауи климаттық және технологиялық сын-қатерлерді еңсеруге бағытталған инновациялық шешімдерді шешуге арналды.
Хакатон жұмысына Алматының жетекші жоғары оқу орындарының командалары қатысты. Атап айтқанда, Алматы технологиялық университеті, Ғұмарбек Дәукеев атындағы Алматы энергетика және байланыс университеті, ALT Университет және Сәтбаев университеті бар. Мұндай алуан түрлі қатысушылар машина жасау, энергетика, IT және экология салалары бойынша құзыреттерді біріктіруге мүмкіндік беріп, жобалардың жоғары деңгейде әзірленуін қамтамасыз етті.
Қатысушыларға тұрақты су пайдалану, құрылыс қалдықтарын қайта өңдеу, циркулярлық экономиканы дамыту, инклюзивті технологияларды енгізу, энергия тиімділігін арттыру және көміртек ізін азайту, сондай-ақ энергетика саласында цифрлық шешімдерді қолдануды қамтитын негізгі бағыттар ұсынылды. Қарқынды жұмыс барысында командалар идеяларды генерациялаудан бастап, олардың прототиптерін әзірлеу және сарапшылар алқасы алдында жобаны қорғауға дейінгі толық жұмыс кезеңінен өтті.
Хакатон нәтижесі бойынша үздік атанған командалар дипломдармен марапатталып, өз жобаларын одан әрі дамыту бойынша ұсыныстар алды. Бұл жобалар еліміздегі басым міндеттерді шешуге бағытталатын болады, оның ішінде энергиялық тиімді технологияларды дамыту, көміртек ізін азайту және экологиялық тұрақты шешімдерді енгізу мәселелері бар. Хакатон аясында жасалған жобалар өнеркәсіпті жаңарту мен «жасыл» экономикаға көшуге негіз қалыптастырып, Тұрақты даму мақсаттарына – сапалы білім беруге, қолжетімді әрі таза энергияға, сондай-ақ тұрақты қалалар мен қауымдастықтарға қол жеткізуге үлес қосады.
