Талапкер
Студент
Түлек
Қызметкер
Курстар
Бизнес серіктес
Сәтбаев университетінде мектеп оқушылары арасында робототехника бойынша жарыс өтті
Сәтбаев университетінде 4–8-сынып оқушылары арасында робототехника пәні бойынша жарыс өтті. Оған инженерияға, бағдарламалауға және заманауи технологияларға қызығушылық танытатын оқушылар қатысты. Жарыс барысында мектеп оқушылары роботтармен жұмыс істеп, практикалық тапсырмаларды орындады, логикалық ойлау және командамен жұмыс жасау дағдыларын көрсетті.
Сәтбаев университетінің түлегі, профессор, Мемлекеттік сыйлықтың лауреаты, академик Малис Абсаметов қатысушыларды құттықтап сөз сөйледі және оларға сәттілік тілеп, таңдаған кәсіби бағыттарының маңыздылығын атап өтті. «Бүгін сіздер бүкіл қоғамның дамуын айқындайтын технологиялар әлеміне алғашқы қадам жасап отырсыздар. Роботтар – жай ғана техника емес, олар – сіздердің болашақтарыңыз, әрі оны жасау сіздердің еншілеріңізде», – деді ол.
Жарыс барысында қатысушылар командаларға бөлініп жұмыс жасады, олар роботтарды құрастырып, оларды бағдарламалап, нақты тапсырмалар орындауға бейімдеді – роботтар жолдан өту, дәлдеп маневр жасау және инженерлік кейстерді шешу жөніндегі жұмыстарды орындады. Жарыс қорытындысы бойынша жеңімпаздар мен жүлдегерлер дипломдармен және естелік сыйлықтармен марапатталып, робототехника саласы бойынша баға жетпес тәжірибе жинақтады.
Сәтбаев университетінде осындай жарыстарды өткізу мектеп оқушыларын ерте кезеңнен бастап инженерлік ортаға тартуға, олардың бойларында ғылым мен технологияға деген қызығушылықты дамытуға, сондай-ақ Қазақстанның жоғары технологиялық салалары үшін болашақ кадрлық резервті қалыптастыруға ықпал етеді. Университет STEM-білім беруді дамытуға және жастар арасында инженерлік мамандықтарды дәріптеуге бағытталған бастамаларды қолдауды жалғастырып отыр.
