Сәтбаев университетінің студенттері шетелдік студенттерді ұлттық ойын түрлерімен таныстырды

Бүгін Сәтбаев университетінде Наурыз мейрамының ең қызықты күндерінің бірі – Ұлттық спорт күні өтті! Студенттер, оқытушылар мен университет қонақтары қазақтың салт-дәстүріне бой ұрып, күш-қуаттарын, ептілік пен төзімділікті сынайтын ұлттық ойындарға қатысып, өз бақтарын сынады.

Арнайы дайындалған алаңдарда садақ ату, доп ойындары, арқан тарту, тоғызқұмалақ және басқа да ұлттық спорт түрлерінен жарыстар өтті. Қатысушыларды ұлттық дәстүрге деген құштарлық пен күш-қайрат біріктіріп, осы алаңда бірлік пен достықтың бәсекелестік атмосферасын тудырды, ал көрермендер ду қол шапалақтауға шаршамады.

Жарысқа Бангладештен, Өзбекстан, Түркіменстан мен Қытайдан келіп, Сәтбаев университетінде оқитын шетелдік студенттер қатысты. Олар тоғызқұмалақ және асық ату ойындарымен қызыға танысты. Көпшілік студенттер мұндай дәстүрлі ойындарға алғаш рет қатысып, жергілікті ұлттық салт-дәстүрмен тереңірек танысуға мүмкіндік алды.

Мерекенің ерекше бөлігі зергерлік бұйымдарды жасау жөніндегі шеберлік сабақтары мен көркем галерея болды, мұнда дарынды студенттер өз қолдарымен жасаған әшекей бұйымдарды тамашалауға мүмкіндік туды. Мереке жеңімпаздарды марапаттау рәсімімен аяқталды, ал қонақтардың назарына дәстүрлі ыстық шай, палау және бауырсақ ұсынылды.

Ұлттық спорт күні – жай ғана спорттық жарыс емес, сонымен қатар қазақ халқының бай мәдени мұрасымен танысу мүмкіндігі. Дәстүрлі ойындар –  тек біздің тарихымыз ғана емес, бұл – біздің мәдениетіміздің ұрпақтарды біріктіретін жанды бөлігі екенін де осы Ұлттық спорт күні еске салады. Ал ұлттық дәстүрлер Сәтбаев университетінде ұрпақтан-ұрпаққа жалғасып келеді!