Талапкер
Студент
Түлек
Қызметкер
Курстар
Бизнес серіктес
Satbayev University-де Дүниежүзілік Ғылым күніне арналған пікірталас өтті
Дүниежүзілік Ғылым күнін тойлау аясында бірінші курс студенттері арасында дебат-турнир өтті. Талқылау тақырыптары қазіргі ғылыми және әлеуметтік мәселелермен байланысты болды. Зияткерлік сайысқа бірінші курс студенттері қатысып, ағылшын тілін жетік меңгергенін, дәйектеу және аудитория алдында сөз сөйлеу қабілеттерін көрсетті.
Талқылау тақырыптары қазіргі ғылыми және әлеуметтік мәселелерге қатысты болды. Қатысушылар ғылыми және әлеуметтік тақырыптарды талқылап, шешендік өнерде бақ сынасты және викторина сұрақтарына жауап берді. Бірінші кезең "Artificial Intelligence will replace Human Intelligence in the nearest future" тақырыбына арналды. Оның жеңімпазы Ильнур Сембаев пен Ерасыл Амановтан құралған Government командасы болды. "Social media – the source of imbalanced mental health and toxic society" тақырыбына арналған екінші кезеңде Амина Бектұрғанова мен Алдияр Мулкуланнан тұратын Opposition командасы үздік атанды.
Университеттің пікірсайыс қоғамдастығының өкілдерінен тұратын қазылар алқасы қатысушылардың жоғары дайындық деңгейін, командалық рухын және шығармашылық көзқарасын атап өтті. Ғылыми қызығушылық, логика және сенімді шешендік шеберлік рухында өткен турнирді Шет тілдері кафедрасы ұйымдастырды.
