1 сәуір 2026 819

Satbayev University-де “The Great Women” іс-шарасы өтті

Satbayev University-де Шет тілдері кафедрасының ұйымдастыруымен “The Great Women” атты жыл сайынғы білім беру іс-шарасы өтті. Іс-шараға барлық мамандықтардың бірінші курс студенттері қатысты.

Іс-шара бағдарламасы интерактивті викториналар сериясы форматында жүзеге асырылды. “Guess the Woman” кезеңінде қатысушылар ұсынылған деректер мен сипаттамалар негізінде көрнекті әйелдерді анықтады, ал “Match the Quote” кезеңінде студенттер белгілі дәйексөздерді олардың авторларымен сәйкестендірді. Бұл форматтар студенттердің дүниетанымын кеңейтіп, әйелдердің қоғам дамуына қосқан үлесі туралы білімдерін тереңдетуге ықпал етті.

“Timeline Race” кезеңінде қатысушылар топтық форматта тарихи оқиғаларды хронологиялық ретпен орналастырып, аналитикалық ойлау және топта жұмыс істеу дағдыларын дамытты. Speed Presentation блогында студенттер көрнекті әйелдер туралы қысқаша баяндамалар жасап, көпшілік алдында сөйлеу және ақпаратты құрылымдау дағдыларын көрсетті.

Іс-шараның қорытынды кезеңінде гендерлік теңдікті ілгерілетудегі университеттердің рөліне арналған пікірталас өтті. Талқылау барысында қатысушылар өз көзқарастарын дәлелдеп, білім беру ортасында тең мүмкіндіктерді қалыптастыруға бағытталған нақты ұсыныстар ұсынды.

Іс-шара қорытындысы бойынша студенттердің жоғары дайындық деңгейі, кең білім көкжиегі, белсенділігі және тақырыпқа қызығушылығы атап өтілді. Іс-шара іскерлік және конструктивті атмосферада өтіп, БҰҰ-ның Тұрақты даму мақсаттарын ілгерілетуге үлес қосты. Атап айтқанда, іс-шара 4-мақсат «Сапалы білім» және 5-мақсат «Гендерлік теңдік» жүзеге асыруға бағытталған.