Талапкер
Студент
Түлек
Қызметкер
Курстар
Бизнес серіктес
Satbayev University студенті “Turn It Around” халықаралық жобасында жеңімпаз атанды
Екінші курс студенті, болашақ робототехника маманы Бекарыс Амангелді ЮНЕСКО қамқорлығымен жүзеге асырылатын Central Asian Platform for Sustainability Unlock (CAPS Unlock) платформасы ұйымдастырған “Turn It Around!” атты халықаралық жобаның жеңімпазы атанды.
Turn It Around жобасы (қазақша нұсқасында – «Орталық Азия климаттық карточкалар жинағы») ЮНЕСКО-ның Алматыдағы өңірлік кеңсесі арқылы жүзеге асырылуда. Байқауға Орталық Азия елдерінен 935 жас автор қатысып, 1000-нан астам шығармашылық жұмыс ұсынды. Солардың ішінен 67 үздік жұмыс финалдық карточкалар жинағына енді.
Бұл жинақ алты тілде әзірленген: қазақ, қырғыз, тәжік, өзбек, орыс және ағылшын. Ол бір мезгілде оқыту құралы және климаттық саясатты қалыптастыру тетігі ретінде қызмет етіп, жастарға климаттың өзгеру салдарын қарапайым әрі түсінікті тілде жеткізуге көмектеседі.
«Қазақ және орыс тілдері» кафедрасының профессоры Шолпан Адибаева жетекшілік еткен «Академиялық жазу» пәні аясында жазылған Бекарыс Амангелдінің мәтіні жобаның финалдық жинағына енді. Бұл жетістік тек жоғары академиялық дайындық деңгейін көрсетіп қана қоймай, сондай-ақ университеттің жаңа буын инженерлерінің экологиялық ойлауын қалыптастырудағы рөлін айқындайды — технология мен тұрақты дамуды біріктіре отырып, Жер болашағына үлес қосу жолында.
