Естелік уақыттан да мықты – Сәтбаев университетінің студенттері мен оқытушылары соғыс батырларының ескерткіштерін ретке келтірді

Отан қорғаушылар күні мен Ұлы Отан соғысы Жеңісінің 80 жылдығын мерекелеу аясында Сәтбаев университеті Әскери іс институтының студенттері мен оқытушылары «Ештеңе де ұмытылмайды, ешкім де ұмытылмайды. Сіздердің ерліктеріңіз мәңгілік!» атты ұранмен патриоттық іс-шара өткізді. Осы іс-шара аясында олар батырлар жерленген бейіттерге барып, ескерткіш тақталарды жөндеді және жан-жағын тазартты.

Аталмыш іс-шара жалпыұлттық «Таза Қазақстан» акциясының рухында өтті және тарихи естелікті сақтап, оған ұқыпты қараудың үлгісі болды. Студент жастар ата-баба ерлігіне тағзым етіп қана қоймай, қаланы қоқыстардан тазартып, ескерткіш орындарын қалпына келтіру арқылы қала экологиясын жақсартуға үлес қосты. Өткен заман мен бүгінге деген қамқорлық арасындағы бұл символдық байланыс шынайы ризашылық іс-әрекет арқылы көрсетілетінін тағы да бір рет еске салды.