Сәтбаев университетінің студенттері ALMA CUP 2026 турнирінің жүлдегерлері атанды

Сәтбаев университетінің студенттік командалары Алматы қаласында өткен «ALMA CUP 2026» жастар спорттық турнирінде сәтті өнер көрсетті. Аталмыш жарысқа қаланың ең мықты студенттік волейбол командаларынан құралған 53 команда қатысып, бәсекелестіктің жоғары деңгейін көрсетті.

Турнир қорытындысы бойынша біздің университеттің әйелдер құрама командасы үйлесімді ойын, тактикалық сауаттылық және командалық рух танытып, жүлделі үшінші орынды иеленді. Ерлер құрама командасы да жоғары дайындық деңгейін көрсетіп, екінші орынды жеңіп алып, финалға шықты.

Құрама командалардың жетістігі университетте студенттік спорт жоғары деңгейде дамығанын және оның Қазақстан жастары арасында белсенді әрі салауатты өмір салтын қалыптастыруға қосқан үлесін дәлелдейді. Турнирге қатысу студенттерге спорттық шеберліктерін көрсетуге ғана емес, сонымен қатар көшбасшылық қасиеттерін, жауапкершілікті және командалық жұмыс дағдыларын дамытуға мүмкіндік береді.

Ал біз жеңімпаздарды жеңісімен құттықтаймыз!